05.10.2023
Конкурса уҫма хутшӑннӑ кашни ҫын ҫамрӑксен тапса тӑракан вӑй-хӑвачӗпе пултарулӑхне, ӑнтӑлӑвне хӑй ҫинче туйса илме пултарчӗ. “Твой ход” проект – студент вӑхӑтӗнчех пысӑк ҫитӗнӳсем тума майсем уҫса паракан пулӑм. Ҫамрӑксен слечӗ Чӑваш патшалӑх университетӗнче юпа уйӑхӗн 11-мӗшчен пырӗ. Пурӗ унта Атӑлҫи федераци округӗнчи пӗр пин те 200 каччӑпа хӗр хутшӑнса хӑйсен проекчӗсене хӳтӗлӗҫ, тавра-курӑмне аталантарӗҫ. Сумлӑ наградӑна тивӗҫессишӗн тупӑшӗҫ.
Чӑваш патшалӑх университечӗн 3 студенчӗ пӗлтӗр, тӗслӗхрен, хӑйсен проекчӗсене тивӗҫлӗн хӳтӗлесе миллионшар тенкӗ тата ҫӗршыв тӑрӑх ҫул ҫӳреве кайма ирӗк ҫӗнсе илнӗ. Анастасия Козлова спортпа мӗн пӗчӗкрен туслӑ. Аслӑ шкулта ӑс пухнӑ вӑхӑтра вара вӑл сывӑ пурнӑҫ йӗркине ытти ҫамрӑксене те явӑҫтарма тӑрӑшнӑ. Ҫакна вӑл хӑйӗн проектӗнче ҫутатса пама пултарнӑ.
Ку проект виҫҫӗмӗш ҫул ҫеҫ ӗҫлет пулин те, вӑл хӑйӗн ретне 600-е яхӑн аслӑ шкулти пӗр миллион ҫурӑ ытла хастар ҫамрӑка пӗрлештерме пултарнӑ.
